Улуустаа5ы «Кыталык Куо-2019» уонна «Үрүҥ Уолан-2019» күрэх балаһыанньата.

Буолар сирэ, миэстэтэ: Ытык-Күөл сэл., П.А. Ойуунускай аатынан Тааттатааҕы норуот театра, «Сатабыл» Оҕо айымньытын дьиэтэ.

Буолар кунэ: кулун тутар 9 күнэ 2019с.

Регистрация: 09.0010.00 ч. Тааттатаа5ы оҕо айымньытын дьиэтэ «Сатабыл»

Күрэх сыала-соруга:

  • Саха кэрэ кыыһын, уолун билиитин-көрүүтүн, сатабылын,

талаанын арыйыы;

  • Ырыаҕа ылламмыт, хоһооҥҥо хоһуллубут кэрэ номоҕон, ис киирбэх,

 чөл куттаах, үтүө-сырдык дууһалаах «Кыталык Куо-2019» талыы;

  • Спортка сыстаҕас, чөл олоҕу тутуһар, сайдыылаах, кэскиллээх, дьоҕурдаах «Үрүҥ Уолан-2019» талыы;

Кыттааччылар: 15-17саастаах кыргыттар, уолаттар.

Ирдэбиллэр:  Кыттааччы аайы 3 мүнүүтэлээх презентация оҥорон  ыытаҕыт.

Усунуос: Тэрээһин усунуос хас биирдии кыттааччыттан 1000 солк.

Күрэх хаамыыта

1 түһүмэх: Кыргыттарга уонна уолаттарга тус-туһунан күрэхтэр.

        —  Кыргыттар дьоҕурдарын, сатабылларын көрүү.

1 этап: Кыыс оҕо аккуратнайдык туттар, бэйэтин сатаан көрүнэр дьоҕурдаах буоллаҕына олоҕор чэпчэки буолар.

Прическа оҥоруу (прическа оҥорор кыыһын илдьэ кэлэр уонна прическаҕа өрүү технологиятын хайаан да киллэрэр)

2 этап: Кыыс араас бэлэхтэри оҥорорго сыстаҕас буолуохтаах, хайдах, туохтан оҥоһулларын билэ үөрэниэхтээх. Онон фрукталартан таҥан сиэдэрэй букет оҥорууга күрэс.(Букет оҥоруутугар туттар састаабы бэйэҕит аҕалаҕыт) 

        —  Уолаттарга чөл олоҕу пропагандалыыр сыаллаах, күүс-уох өттүн тургутан көрүүгэ сахалыы күүс оонньуулара ыытыллаллар:

1 этап: Мин кыраҕы харахтаахпын, мин бэргэнник ытабын. Сыал ытыы.

2 этап: Мүнүүтэҕэ челночнай сүүрүү.                                                                                    

3 этап:. Мин тулуурдаахпын, мин дьулуурдаахпын. Мүнүүтэҕэ тардыныы.

2 түһүмэх:  Киэһэ 17.00 ч., Таатта норуодунай театра.

Талаан нөҥүө бэйэни билиһиннэрии. Саха сиригэр сомоҕолоһуу сылынан араас дойдулар үҥкүүлэрин, ырыаларын көрдөрүү. (Талааны уонна бэйэни билиһиннэриини кыыстаах уол биир  уопсай нүөмэри бэлэмнээн 4 мүнүүтэ иһигэр көрдөрөллөр). Ирдэбилэ: нүөмэргэ сөп түбэһэр таҥастаах буолаллар.

3 түһүмэх: Билиини-көрүүнү тургутан көрүү.

Бу түһүмэххэ дьыалабыай таҥас ирдэниллэр.

(Боппуруостар дьиэ-кэргэҥҥэ, ыччакка, экологияҕа, спортка, чөл олоххо аналлаах буолуохтара.)

4 түһүмэх: «Харах иҥнэр кэрэтэ, санаа иҥнэр абылаҥа».

Бу түһүмэххэ барыларын бииргэ күрэх иннинэ вальска үөрэтэбит. (Кыргыттар киэһээҥҥи былааччыйа,уолаттар көстүүм кэтэллэр).

«Кыталык Куо-2019» уонна

«Үрүҥ Уолан-2019» күрэх программата

  Бириэмэтэ Күрэх хаамыыта Буолар сирэ
1 09.00.-10.00. Кыттааччылары регистрациялааһын Сатабыл Оҕо айымньытын дьиэтэ
2 10.30.-13.00. Кыргыттар дьоҕурдарын, сатабылларын көрүү.
Уолаттарга чөл олоҕу пропагандалыыр сыаллаах, күүс-уох өттүн тургутан көрүүгэ сахалыы күүс оонньуулара ыытыллаллар:
3 13.00.-14.00. Эбиэт  
4 14.00.-17.00. Күрэххэ бэлэмнэнии ОКЦ
5 17.00. 2 түһүмэх, түмүк, наҕараадалааһын ОКЦ

Кыттыы туһунан сайаапканы, презентацияны, усунуоһу   кулун тутар 5 күнүгэр диэри оҕо айымньытын дьиэтигэр «Сатабылга» тиксэрэргитигэр.

Биьиги аадырыспыт: Ытык-Күөл, Мординов уул.6, эл.почта dotatta@yandex.ru, 89681517670 Алексеева Матрена Дмитриевна, 89141104093 Сартаева Евдокия Ивановна.