Флешмоб «Алампаны аа5абын»

Улуу убайбыт Алампа кэрэкэ тылларын биир сомоҕо буолан ааҕан, үөрүүбүтүн үксэтиэҕиҥ, саргыбытын салайсыаҕыҥ! *Саха ырыата*
Тыгын кырдьаҕас саҕыттан Тымыр-сыдьаан тылламмыт Тырыттыбат дьылҕалаах, 
Тыйыс саха аатыран 
Тыыллан-үөскээн иһиэҕиҥ!
Үгүс-элбэх үйэлэргэ 
Үөрдүһэн-тардыһан үөскээбит Үрүҥ Дьөһөгөй өллөйдөөх, Өрөгөй-талаан үктэллээх 
Өбүгэ саха буолабыт!
Саргы-дьаалы улааттын! 
Сахалыы саҥа сатараатын! 
Саха омук сайыннын! 
Уруй! Уйгу! Айхал!
Урусхан-уохтаах күннэргэ Умуллан-самнан биэрбэтэх, Уруй-туску оҥоһуулаах, 
Одун-буурай олохтоох 
Урааҥхай саха буолабыт!
Үлүгэр-алдьархай күннэргэ 
Үллэр үрдүк өрөгөйдөөх 
Үөмэн тиийбэт үрүттээх, 
Үтүө саха аатыран 
Үүнэн-үрдээн иһиэҕиҥ!
Дүрбүөн-дарбаан күннэргэ Түһэн-охтон биэрбэтэх 
Төлкө-түөрэх дьүөрэлээх, 
Төрүт саха төрүөҕэ 
Төбүрүөн түмсэн турабыт!
Самнан түспэт саргыга 
Салаллан-тэриллэн үөскээбит Сайаҕас-дьэҥкэ санаалаах 
Саха урааҥхай аатыран 
Сайдан-элбээн иһиэҕиҥ!
(1919 с. А.И.Софронов-Алампа)

Бу хоһоону эһиги кылаас күргүөмүнэн ааҕаҥҥыт, видеоҕа уһулаҥҥыт, ситими быспакка, атын кылааска салгыы ыытаҕыт. Хайдах ааҕаргыт бэйэҕит фантазияҕыт, көҥүлгүт. Өйдөөҥ: ситими быспаккыт, оскуола бүтүннүү ааҕарын ситиһэбит.
Бары кехтеех кыттыыны ыларгытын кердеьебут.