Муусука тумэр туьулгэтэ

Муусука түмэр түһүлгэтэ

«Музыка-универсальный язык человечества»

                                                                                                  Генри Уодсфорд Лонгфелло

Муусука- хас биирдии киһи олоҕор истиҥ, ураты миэстэни ылар. Киһи үчүгэй муусуканы истэн дууһата манньыйар, сүргэтэ көтөҕүллэр, санаалыын сырдыыр, айар-тутарбаҕатакүүһүрэр.

Ааспыт нэдиэлэҕэ Саха Өрөспүүбүлүкэтин үрдүнэнмуусука нэдиэлэтэ ыытыллыбыта.А.Е. Мординов аатынан Таатта лиссиэйигэрмуусука кэрэ эйгэтигэр аналлаах тэрээһин өрө күүрүүлээхтик ааста.

Бастакыкүнтэнсаҕалаан, сынньалаҥ кэмин классическай муусука доҕуһуоллаан учууталлары, үөрэнээччилэри сонурҕатан,санааларын өрө көтөҕөн, билиини ылынар, үөрэнэр дьоҕурдарынүрдэттэ. Муусука учуутала Анна Алексеевна Новгородова дьиэтээҕи библиотекатын быыстапката туруорулунна.

 

 

Иккис күн кэрэхсэбиллээх түгэнинэн буолла- инструментальнай музыка кэнсиэрин түмэр түһүлгэтэ. Кэнсиэргэ лиссиэй үөрэнээччилэрэ, төрөппүттэрэ уонна учууталлара көхтөөхтүк кыттан, сөбүлүүр инструменнарыгар оонньоон көрөөччүлэр биһирэбиллэрин ыллылар. Кыттааччылар хомус, балалайка, синтезатор, гитара, баянкэрэ матыыбыгар оонньоон, көрөөччүлэри кэрэхсэтэн, дьикти, кэрэ түгэннэри бэлэхтээтилэр.

Улахан сэҥээриини 6”б” кылаас  үөрэнээччитэ Сайыына Сыромятниковаылла. Кини Анастасия Варламова  «Аҕам алааһа» ырыа матыыбын балалайкаҕа оонньоон, барыбытын долгутта. Саала иһэ ырыа матыыбын кытары тэҥҥэ ыллаһан истээччилэри сөхтөрдө. 9”б” кылаас үөрэнээччитэ Ян Колодезников бэйэтэ айбыт мелодиятын гитараҕа оонньоото, ону таһынанкиһи аймах барыта сөбүлүүр «Титаник» уус-уран киинэ мелодиятын синтезаторгатолорон,көрөөччүлэрбиһирэбиллэринылыан ылла. Бу дьоро күнү муусука учуутала Анна АлексеевнаНовгородова тэрийэн, Саргылана Дмитриевна Турнина иилээн-саҕалаан ыытта. Алыптаах муусука истиҥ, иһирэх түмэр түһүлгэтигэр ыалдьыттаан бары да үөрдүбүт.

Нэдиэлэ устата   баҕалаах оҕо синтезаторга оонньууругар аналлаах аһаҕас муннук үлэлээн, муусука абылыыр ураты эйгэтин тэниттэ. Ону таһынан, «Музыкальная капель» диэн ураты  уруоктар ыытыллан, муусука дьоҕура салгыы сайдарыгар олук уурдулар.

Муусука нэдиэлэтэкүндүтүк саныыр учууталларбытыгар анаммыт эҕэрдэ кэнсиэринэн түмүктэннэ.Хас биирдии кылаас  учууталларын эгэрдэлээн баҕа санаа бастыҥын анаатылар,үтүө тылларынан алҕаатылар.

Нуучча улуу суруйааччыта Л.Н. Толстой “Музыка- высшее в мире искусство” диэнбэлиэтээн турар. Оҕо кыра эрдэҕиттэн музыка кэрэ эйгэтигэр бигэнэн улааттаҕына, сиэр-майгы өттүннэн үтүө киһи буола үүнэрэ саарбаҕа суох. Инникитин даҕаны маннык сэргэх тэрээһин ыытыллан, үөрэнээччилэри, учууталлары, төрөппүттэри бииргэ түмэн, саҥа талааннары арыйан, музыка кэрэ эйгэтигэр сирдии турдун!

Уйгу Бочонина11«а» кылаас, Таатта лиссиэйэ.