Лыҥкынас тыастаах, Чугдаарар чуорааннаах, Таатта лиссиэйэ Билии күнүгэр ыҥырда.


Билии күнэ
Лыҥкынас тыастаах,
Чугдаарар чуорааннаах,
Таатта лиссиэйэ
Билии күнүгэр ыҥырда
 
 А.Е. Мординов аатынан Таатта лиссиэйигэр билии күнэ үрдүк таһымнаахтык ыытылынна. Киирии эксээмэннэри ситиһиилээхтик туттаран, быйыл бэһис кылааска 40 үөрэнээччи лиссиэйиис үрдүк аатын сүгэр чиэскэ тигистэ. Үөрүүлээх линейка бэһис кылаас үөрэнээччилэрин уоннан лиссиэй выпускниктарын парадтарынан аһылынна. Быйылгы үөрэх дьылыгар математика учууталынан Луковцева Ираида Михайловна ананна.
Лиссиэй директора Неустроев А. А. сыл түмүгэр үчүгэй көрдөрүүлээх учууталларынан Малышева Е.А., Неустроева В.Ю., Элякова А. П., Быллырытова А.П ааттаталаата.
Таатта улууһун Муниципальнай тэриллиитин баһылыга Соров М. М. үөрэнээччилэргэ киэҥ билиини ылан, үрдүк ситиһиилэри дабайалларыгар алҕаан туран, 2020 сылтан саҥа лиссиэй туттуллар үөрүүлээх сонунун иһитиннэрдэ. Олохтоох нэһилиэк дьаһалтатыттан баһалыгы солбуйааччы Копырин М. М., улуустааҕы үөрэх салалтатын методическэй отдел салайааччыта Колодезникова В. В., выпускниктар ааттарыттал Вырдылина Юлия эҕэрдэ тылларын анаатылар. 
Сыл түмүгэр бастыҥ көрдөрүүлээх выпускниктарбыт Харлампьева Айна, Неморицын Андрей, Тарасов Костя уонна быйыл бэһис кылааска киирии эксээмэҥҥэ үрдүк баалы ылбыт Огонерова Альбина, Чашкин Егор, Боярова Дайаана лиссиэй үөрэнээччилэрин лыҥкынас чуорааны тыаһатан маҥнайгы уруокка ыҥырдылар.
 Билии күнүн уруйдуу хас биирдии кылааска  Улуу Кыайыы 75 сылыгар аналлаах маҥнайгы уруок ыытылынна.
Саҥа үөрэх дьыла учууталларга, үөрэнээччилэргэ, төрөппүттэргэ үрдүк дабайыылары, үтүмэн үөрүүрүүнү аҕала туруохтун!